Сдается 5 комнатная частный дом в сагурамо, в мцхетский муниципалитет

ქირავდება ელეგანტური, თანამედროვე დიზაინის მიხედვით აშენებული და მოწყობილი განსაკუთრებული სახლი საგურამოში (კოტორაანთკარი). ვილა მდებარეობს უშუალოდ ცენტრალური გზის პირას, არაჩვეულებრივ ლანდშაფტში, მთების და მდინარე თეძამის ხეობის გარემოცვაში. თბილისის ეროვნული პარკის ზუსტად წინ. სახლი არის 160 კვადრატული მეტრი. კეთილმოწყობილი, კომფორტული ცხოვრებისთვის საჭირო ყველა ნივთით და სისტემით. აქვს სამი საძინებელი, მათ შორის ერთ-ერთი საკუთარი აბაზანითა და სველი წერტილებით. საცხოვრებელი სივრცე ფართო ვიტრაჟებითა და დიდი, კეთილმოწყობილი ლაუნჯ-ტერასით ორგანულად ერწყმის გარე სივრცეს და ლამაზად გამწვანებულ ეზოს, სადაც ისარგებლებთ აუზით. გარე სივრცის ზომა და დაგეგმარება იძლევა წვეულებების მოწყობის შესაძლებლობას. ეზო გარშემორტყმულია კაპიტალურად ნაშენები ღობით. ჭიშკარი მუშაობს ავტომატურ სისტემაზე პულტის მეშვეობით. მწვანე გაზონები და მცენარეები ირწყვება ავტომატური მორწყვის სისტემით. ეზო სრულად და კარგად არის განათებული, სისტემა მუშაობს ავტომატურად (პროჟექტორები შებინდებისთანავე ირთვება), თუმცა შესაძლებელია მისი ხელით მართვაც. სახლი უზრუნველყოფილია გათბობის იტალიური სისტემით, სამზარეულოს ძვირადღირებული ტექნიკით (BOSCH, SAMSUNG, PHILIPS) და სასადილოსა და ეზოს ძვირფასი ავეჯით. ტერასა/ლაუნჯში განთავსებულია გარე ბუხარი და არის SmartTV - Netflix/Amazon Prime Video/Setanta Sports -ის სერვისით, რაც შევა ქირის ფასში. სახლი უზრუნველყოფილია ინტერნეტით. ეზოში დგას ხუთი მეტრის რადიუსის მქონე დიდი ბატუტი, რაც აუზთან და რეკრეაციულ ეზოსთან ერთად დამატებითი ატრაქციაა დროის სასიამოვნოდ გასატარებლად. ცივი და ცხელი წყალი არის მუდმივად, რადგან სახლს გააჩნია წყლის მიწოდების საკუთარი, ავტონომიური, ძვირადღირებული სისტემა. ემსახურება კერძო დაცვის სამსახური. სახლს აქვს პარკინგი სამი ავტომობილისთვის. იდეალურია წყვილისთვის, ოჯახებისთვის ან მეგობრებისთვის, რომელთაც სურთ სრული კომფორტი და ქალაქის დამღლელი რუტინისგან გათავისუფლება. ადგილი რელაქსაციისთვის და ძალების აღსადგენად.