ვაკეში, ფალიაშვილის ქუჩაზე, გეგეშიძის ბაღთან მდებარე ფართი 111 კვ.მ-ს შეადგენს. უძრავი ქონება განთავსებულია სტალინური პროექტის 4-სართულიანი შენობის მე-2 სართულზე. შენობა გამოირჩევა 50-იანი წლების არქიტექტურისთვის დამახასიათებელი ელემენტებით — ძველებური კარითა და ფართო სადარბაზოთი.
ბინა გამჭოლია, მზიანი და ნათელი. გეგმარება მოიცავს ჰოლს, მისაღებ ოთახს ბუხრით, ცალკე სამზარეულოს, 3 საძინებელსა და 2 სველ წერტილს. ქონებას აქვს საკუთარი პარკინგი შიდა, დახურულ ეზოში. ბინა საჭიროებს კოსმეტიკურ რემონტს. ჭერის სიმაღლე 3.70 მეტრია, იატაკზე დაგებულია პარკეტი. აივანი შიდა ეზოს გადაჰყურებს.
ლოკაცია ერთ-ერთი საუკეთესოა — სახლი ჭავჭავაძის გამზირიდან რამდენიმე ნაბიჯში მდებარეობს, ხოლო აბაშიძის ქუჩამდე მხოლოდ 2 წუთის სავალია. ახლოსაა გეგეშიძის ბაღი, ვაკის პარკი, საზოგადოებრივი ტრანსპორტის გაჩერება და სავაჭრო ცენტრი „პიქსელი“.