საპროექტო ტერიტორია მდებარეობს მცხეთის რაიონში, სოფელი ქვემო ნიჩბისი, ნაკვეთის საერთო ფართობია 746 კვ/მ. ტერიტორია ხასიათდება ჩრდილო დასავლეთიდან, სამხრეთ აღმოსავლეთისკენ მიმართული დახრილი რელიეფით. ჩრდილო დასავლეთის მხრიდან ნაკვეთს ესაზღვრება გრუნტის გზა, ხოლო დანარჩენი მიმართულებით კერძო ნაკვეთები. სამშენებლო ტერიტორია მდგრადია და მშენებლობისთვის დამაკმაყოფილებელ საინჟინრო-გეოლოგიურ პირობებში იმყოფება. საპროექტო შენობა წარმოადგენს ინდივიდუალურ ერთბინიან საცხოვრებელ სახლს. შენობა ორ სართულიანია. პირველ საცხოვრებელ სართულზე განლაგებულია: შემოსასვლელი, ჰოლი, კიბის უჯრედი, საერთო ოთახი, სამზარეულო, კაბინეტი, საკუჭნაო და სველი წერტილი. საერთო ოთახის და სამზარეულოს წინ განლაგებულია ვერანდები. მეორე სართულზე განლაგებულია: ჰოლი, კიბის უჯრედი, საძინებლები და სველი წერტილები. საძინებლებთან დაგეგმილია აივნები. ნაკვეთის ტერიტორია ჩრდილოეთის მხრიდან დატვირთულია საჯარო სერვიტუტით, რომლის შემდეგ მოეწყობა ღობედა ტერიტორიაზე შესასვლელი. ნაკვეთის სამხრეთ ნაწილში დაგეგმილია საცურაო აუზი. კონსტრუქციულად შენობა კარკასული ტიპისაა, მზიდ ელემენტებს წარმოადგენენ მონოლითური სვეტები და კოჭები. საძირკველი წერტილოვანია. შენობის პერიმეტრის კედლები აშენდება 30 სმ. სამშენებლო ბლოკით. ფასადების მოპირკეთება დაგეგმილია ნაწილობრივ დეკორატიული ლესვით, ნაწილობრივ ადგილობრივი ბუნებრივი ნიჩბისის ქვით მოპირკეთებით. ქვით მოპირკეთება გამოენებულია ეზოს კიბეების და ღობის ნაწილძეც. შენობაზე მოეწყობა ღია კრემისფერი ალუმინის ჩარჩოიანი ფანჯრები და ვიტრაჟები. ფანჯრებთან ასევე გამოყენებულია ხის დარაბები.შიდა და გარე მოპირკეთებისთვის გამოყენებული იქნება თანამედროვე და უსაფრთხო მასალები
